मनि राई 'गोठाले' को कथा संग्रह "युध्द समाधि" को विमोचन कार्यक्रमको फोटो

गर भन्नेलाई

गर भन्नेलाई पनि सलाम
मर भन्नेलाई पनि सलाम

सगरमाथा शिर देखाएर
चढ भन्नेलाई पनि सलाम

मध्यरातमा पारिजात जस्तै
झर भन्नेलाई पनि सलाम

भेल उर्लिएका जङ्घारहरु
तर भन्नेलाई पनि सलाम

जानाजान राखिएको पासोमा
पर भन्नेलाई पनि सलाम

मनको खाली पाना ममताले
भर भन्नेलाई पनि सलाम

स्वर्गपुरी छोडेर 'इन्द्र' अन्तै
सर भन्नेलाई पनि सलाम ।

पूर्वमा बज्दा मादल

पूर्वमा बज्दा मादल पश्चिमले गाउनु पर्छ
मदेशमा होली खेल्न पहाड उधो धाउनु पर्छ

लाखे नाच्न नेवार दाजु कर्णली पुगेपछि
देउडा नाच्न डोल्पाली, कान्तिपुरी आउनु पर्छ

सोरठी र घाटु घुम्दै किरातभूमि पसेपछि
साकेलामा सिली नाच्न उसले पनि पाउनु पर्छ

शेर्पा दाइ तराई झर्दा धोती गाजी लाएकै हुन्
हिमाल पुग्दा मदेशीले पनि बख्खु लाउनु पर्छ

यिनै कुरा लुकेको छ, संघियताको अर्थ भित्र
एक अर्कामा निषेध हैन सबै मनपराउनु पर्छ
Indra Narthunge